"Алтай ЭЕШ-2021" аяныг өрнүүлж байна
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Говь-Алтай аймгийн Боловсрол, соёл урлагийн газраас ЭЕШ-д оролцох 841 суралцагчийн идэвх оролцоог сайжруулах, бэлтгэлийг эрчимжүүлэх, мэргэжлийн бүлгээр хамтран ажиллаж амжилт гаргах зорилгоор "Алтай ЭЕШ-2021" аяныг өрнүүлж байна.
Энэхүү аяны хүрээнд:
-ЭЕШ-д бэлтгэгчдэд зориулан хичээл бүрээр онлайн хичээл заах, байршуулах, даалгавар зөвлөмж өгөх, хүүхэд хүүхдээсээ суралцах, сайн жишээ туршлагаа хуваалцах цахим групп үүсгэх,
-ЭЕШ-ын хичээлүүдээр мэргэжлийн багш нарын багийг байгуулж нэгдсэн удирдлага зохион байгуулалтаар ханган ажиллах,
-ЭЕШ-д судлагдахуун бүрээр “Урьчдилсан сорил” зохион байгуулах ажлуудыг энэ сарын 10-наас долоодугаар сарын 1-ний хооронд өрнүүлэх ажээ. Түүнчлэн ЭЕШ-д амжилттай бэлтгэж 800 оноо авсан хүүхэд бүрийг нэг сая төгрөгөөр, амжилттай оролцсон анги хамт олныг тав хүртэлх сая төгрөгөөр урамшуулах юм.