Улаанбаатар
Коронавирусний батлагдсан тохиолдлын тоо 67 боллоо
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. Сүүлийн 24 цагийн байдлаар Баянхонгор аймагт коронавируст халдварын хоёр тохиолдол нэмэгдэж, батлагдсан тохиолдол 67 боллоо.
Дээрх тохиолдлын нэг нь спортын голомтын ойрын хавьтал буюу тусгаарлалтад байсан иргэн, нэг нь Улаанбаатар хотод хүнд өвчтэй хүн хүргэж өгөөд буцаж ирсэн иргэн Өлзийтийн пост дээр өгсөн шинжилгээгээр батлагдав.
Аймгийн Нэгдсэн эмнэлгийн Тусгаарлах эмнэлэгт эмчлүүлж байсан гурван иргэн эдгэрч, гэрийн ажиглалтад шилжсэнээр коронавирусний халдвар авсан 36 хүн орон нутагтаа эмчлүүлж, бүрэн эдгэрч байна.
Батлагдсан тохиолдлын хавьталд хийсэн 135 шинжилгээг Өвөрхангай аймгийн БОЭТ рүү энэ сарын 15-ны 22:00 цагт илгээсэн бөгөөд хариу өнөөдөр гарснаар АОК-оос иргэдэд мэдээлэл хийх аж.
