Осака Австралийн нээлттэй тэмцээнд Серена Уильямсыг ялжээ
ДЭЛХИЙН МЭДЭЭ | СПОРТНЬЮ-ЙОРК. /The Guardian/. Их
дуулгын цуврал тэмцээний улирлын эхнийх болох Австралийн нээлттэй тэмцээний
хагас шигшээд Японы теннисчин Наоми Осака Америкийн тамирчин Серена Уильямсыг ялжээ.
Тоглолт 6:3, 6:4 онооны харьцаагаар өндөрлөсөн байна. Шигшээ
тоглолтод тэрбээр Америкийн теннисчин Женнифер Брэди, Чехийн тамирчин Каролина
Мухова нарын хооронд болох тоглолтод аль ялсантай нь хүчээ үзэх аж.
Эмэгтэй теннисчдийн холбоонд /WTA/ гуравдугаарт
эрэмбэлэгддэг Осака 2019 оны Австралийн нээлттэй тэмцээний ялагч юм.
Өдгөө 39 настай Серена Уильямс “WTA”-гийн чансаанд 11
дүгээрт бичигддэг. Тэрбээр Их дуулгын цуврал тэмцээнүүдэд 23 удаа, Австралийн
нээлттэй тэмцээнд 7 удаа, “Roland Garros”-д гурван удаа, Уимблдонд 7 удаа,
Америкийн нээлттэй тэмцээнд 6 удаа тус бүр ялалт байгуулж байв.