Шүүх 296 маргааныг эвлэрүүлэн шийдвэрлэжээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий
/МОНЦАМЭ/. Баян-Өлгий аймаг дахь Сум дундын иргэний хэргийн анхан шатны шүүх
дэх эвлэрүүлэн зуучлагч өнгөрсөн оны 12 дугаар сарын 22-ны өдрөөс хойш 518
өргөдөл хүлээн авсан байна.
Үүнээс 80
өргөдлийг хүлээн авахаас татгалзаж, 85 өргөдлийг өргөдөл гаргагчид буцааж, 329
өргөдлийг шийдвэрлэжээ. Шийдвэрлэсэн нийт өргөдлийг 2019 оны мөн үеийнхтэй
харьцуулахад 19.7 хувиар буурсан байна.
Шийдвэрлэсэн 329
өргөдлөөс талууд хоорондоо эвлэрч, маргааныг амжилттай дуусгасан 296 өргөдөл байна.
Үүний 274 нь иргэний, 21 нь гэр бүлийн маргаан аж. Харин талууд эвлэрэхээс
татгалзсан буюу маргаан шийдвэрлэлт амжилтгүй болсон 33 өргөдөл байгаа.
Талуудын эвлэрсэн
296 эвлэрлийн гэрээг шүүгчийн захирамжаар баталгаажуулсан ажээ.