“Novavax” компанийн вакцины гуравдугаар үе шатны туршилт эхэллээ
ДЭЛХИЙН МЭДЭЭ | НИЙГЭМНЬЮ-ЙОРК. /TASS/.
Америкийн биотехнологийн “Novavax” компани коронавирусний вакцины гуравдугаар үе шатны
туршилтаа эхлүүлжээ.
Их Британид болох уг туршилтад 18-84 насны 10 мянга
орчим хүнийг хамруулах аж. Эрх баригчид
туршилт явуулахад нь дэмжлэг үзүүлнэ хэмээн “Novavax” компани мэдэгдсэн байна.
Коронавирусний вакцин гарган авахад нь зориулж АНУ-ын
Засаг захиргаа 1.6 тэрбум ам.долларын санхүүжилт олгосон тухай “Novavax” 7 дугаар сард мэдэгджээ. 2020 оны эцэс гэхэд 100 сая
тун эм нийлүүлнэ гэдгээ компани тухай үедээ мэдэгдэж байсан аж. Эмнэлзүйн
туршилтын эхний үе шатыг Мельбурн хотод 5 дугаар сард эхлүүлсэн юм.
Оксфордын их
сургуультай хамтран вакцин гарган авч буй Их Британи Шведийн “AstraZeneca” компанид АНУ-ын эрх баригчид 1.2 тэрбум ам.долларын
санхүүжилт олгосон юм. Үүнээс гадна Америкийн биотехнологийн “Modern” компанид 486 сая ам.доллар, “Johnson
& Johnson” компанид 456 сая
ам.долларын санхүүжилтийг тус бүр хуваарилсан байна. АНУ-д мөн “Merck”, “Pfizer” компаниуд вакцин гарган авахаар ажиллаж байна.
Америкийн вакцин ойрын хугацаанд бэлэн болно хэмээн
АНУ-ын Ерөнхийлөгч Дональд Трамп өмнө нь нэг бус удаа мэдэгдсэн. Түүнчлэн
сонгуулиас өмнө вакцин бэлэн болж магадгүй байгааг тэрбээр үгүйсгээгүй юм.