ОХУ-д 34.6 сая гаруй хүнд коронавирусний шинжилгээ хийжээ
ДЭЛХИЙН МЭДЭЭ | ЭРҮҮЛ МЭНДМОСКВА. /RIA Novosti/. ОХУ-д 34.6 сая гаруй хүнд коронавирусний шинжилгээ хийсэн бөгөөд 217 мянган хүн эмнэлгийн хяналтанд байна гэж тус улсын Хэрэглэгчдийн эрх ашгийг хамгаалах газрын /Роспотребнадзор/ хэвлэлийн алба мэдээлэв.
Өнгөрсөн хоногт 247 мянган хүнд коронавирус илрүүлэх шинжилгээ хийсэн байна. ОХУ-д коронавирусний халдвар авсан хүний тоо 961493-т хүрсэн бөгөөд өнгөрсөн 24 цагийн хугацаанд 4744 шинэ тохиолдолд илэрчээ.
ОХУ-ын коронавирустэй тэмцэх шуурхай штабаас мэдээлснээр, өнгөрсөн нэг хоногийн дотор 2456 хүн эмнэлгээс гарснаар эдгэрсэн хүний тоо 773095 болсон бол 65 хүн нас барж, нас барсан тохиолдлын тоо 16 448-д хүрсэн байна.