Улаанбаатар
Сургууль цэцэрлэгийн үйл ажиллагааг эхлүүлэх эрсдэлийн үнэлгээ хийж байна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Их дээд сургууль, ЕБС, цэцэрлэгийн үйл ажиллагааг эхлүүлэх талаар коронавируст халдварын 10 дахь шатны эрсдэлийн үнэлгээг өнөөдөр ХӨСҮТ-д зохион байгуулж байна.
Энд ЭМЯ, БШУЯ, ХӨСҮТ, ОБЕГ, МХЕГ, ТЕГ, ЦЕГ, НЭМГ, НЗДТГ зэрэг байгууллагын төлөөллөөс бүрдсэн ажлын хэсэг үнэлгээг хийж байгаа юм. Монгол Улсын Засгийн газрын энэ сарын 16-ны хуралдаанаар бүх шатны боловсролын байгууллагууд буюу ерөнхий болон дээд боловсролын сургууль, цэцэрлэгийн үйл ажиллагааг эхлүүлэх талаар холбогдох судалгааг гаргаж, үнэлгээ хийх тухай өгсөн чиглэл өгчээ.
Шадар Сайдын 2017 оны А/08 тоот тушаалаар батлагдсан “Эрсдэлийн үнэлгээний аргачлал”-ын дагуу хийж, үнэлгээний дүнг Улсын онцгой комисст танилцуулна гэж Онцгой байдлын газраас мэдээлэв.
