Улаанбаатар
Ноднин нөөцөлсөн 11 мянган тонн махны 10 мянгыг нь борлуулжээ
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Засгийн газрын өнөөдрийн хуралдаанаар, малын махны бэлтгэл, бэлчээрийн усан хангамжийн талаарх ХХААХҮЯ-ны танилцуулгыг сонсов. Өнөөдрийн байдлаар, ноднин нөөцөлсөн 11 мянга гаруй тонн нөөцийн махны 10 орчим тонныг нь худалдан борлуулжээ.
Манай улсын нийт хүн амын 2020 оны хүнсний хэрэгцээнд 116 мянга гаруй тонн мах шаардлагатай. Хүн амын бодит хэрэглээ, хүнсний зориулалтаар төхөөрөх малын тоонд үндэслэн тооцоход 354 мянга гаруй тонн мах дотоодын зах зээлд нийлүүлэх нөөцтэй гэж тус яам үзжээ.
Харин бэлчээрийн усан хангамжийн тухайд, ХХААХҮЯ 21 аймгийн 241 суманд 582 худаг шинээр, 184 худаг сэргээн засварлах, 126 булаг, шанд тохижуулах, 9 хөв цөөрөм, 10 худагт сэргээгдэх эрчим хүчээр ажиллах ус өргүүр суурилуулах ажлыг төлөвлөгөөний дагуу хийж байна. Үүнд улсын болон орон нутгийн төсөв, төсөл, хөтөлбөрөөс 10 тэрбум гаруй төгрөг зарцуулж байна.
