БНАСАУ Япон тэнгис рүү гурван пуужин харвалаа

ДЭЛХИЙН МЭДЭЭ | УЛС ТӨР
ayanzaya@montsame.gov.mn
2020-03-09 08:08:34

СӨҮЛ. /Yonhap/. БНАСАУ Хамгён-Намдо мужийн Сондок хотоос Япон тэнгисийн чиглэлд гурван пуужин харвасан тухай БНСУ-ын Штабуудын дарга нарын хороо мэдэгдсэнийг “Yonhap” агентлаг иш татан мэдээлжээ.  


Өмнө нь БНАСАУ ямар ангиллынх нь үл мэдэгдэх пуужин харвасан тухай мэдээлсэн байна. Энэ удаагийн пуужингийн туршилт он гарснаас хойш хоёр дахь удаагийнх болж байна. БНАСАУ стратегийн шинэ зэвсгээ удахгүй танилцуулна хэмээн тус улсын удирдагч Ким Жөн Ун өнгөрсөн оны 12 дугаар сард мэдэгдэж байсан юм. 

 

3 дугаар сарын 2-нд алсын тусгалтай их бууны ангийн хээрийн сургууль явуулахаа БНАСАУ-ын эрх баригчид өмнө нь мэдэгдсэн. Хожим Штабуудын дарга нарын хорооны мэдэгдсэнээр, БНАСАУ Вонсан хот орчмоос Япон тэнгис рүү ямар ангиллынх нь үл мэдэгдэх хоёр пуужин харвасан бөгөөд пуужингууд 35 метрийн өндөрт, 240 км зайд ниссэн байна. 

Холбоотой мэдээ