“Ковид-19”-ээр халдварласан хүний тоо 76 мянга давжээ
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. ЭМЯ-ны мэдээлснээр, энэ сарын 21-ний өдрийн 10:00 цагийн байдлаар шинэ коронавируст халдварын улмаас 2247 хүн нас бараад байна. Халдвар авсан хүний тоо 76179-д хүрсэн бол 18028 хүн эдгэрчээ.
“Ковид-19” халдвар БНХАУ-аас гадна 26 улсад бүртгэгдсэнээс БНСУ-д эрчимтэй тархаж байгаа аж. Иймд иргэд “Ковид-19” халдварын тохиолдол бүртгэгдсэн орон руу зорчихгүй байх, зорчсон бол 14-21 хоног өөрийгөө тусгаарлах, амны хаалт зүүх, гараа савандаж угаахыг тус яамнаас зөвлөж байна.