Улаанбаатар
Дөрөв хүртэлх насны хүүхдийн томуугийн өвчлөл өссөн дүнтэй байна
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Томуу, томуу төст өвчний /ТТӨ/ 2019 оны 12 дугаар сарын 30-наас 2020 оны 01 дүгээр сарын 06-ныг дуустал хугацаанд хийсэн тандалтын мэдээг ЭМГ-аас танилцуулж байна.
Амбулаторид суурилсан томуугийн харуулдан тандалтаар 23 нэгж мэдээ ирүүлэхээс 23 нэгж 100 хувь мэдээ ирүүлсэн байна. Тандалтын 23 нэгжид 2020 оны 1-р долоо хоногт нийт 2728 хүн үйлчлүүлснээс 444 /16,2 хувь/ нь томуу, томуу төст өвчтэй гэж оношлогдсон нь өнгөрсөн долоо хоногоос 7,5 хувиар буурсан байна. ТТӨ-өөр өвчлөгсдийн 67,79 хувийг дөрөв хүртэлх насны хүүхэд,19,6 хувийг нь 5-15 насны хүүхдийн өвчлөл эзэлжээ.
ТТӨ-тэй тохиолдлыг насны бүтцээр нь авч үзэж 52-р долоо хоног буюу 2019 оны 12-р сарын 23-29-ний өдрүүдтэй харьцуулахад 0-11 насных 9,1 хувиар, 1 насных 5,2 хувиар, 2-4 насных 3,3 хувиар тус тус өссөн байгаа бол 5-9 насных 14,4 хувиар, 10-14 нас 4,5 хувиар тус тус буурсан үзүүлэлтүүд гарчээ.
Холбоотой мэдээ
Монгол Улсын Ерөнхийлөгч У.Хүрэлсүх Бүгд Найрамдах Итали Улсад төрийн айлчлал хийхээр мордлоо
14 цаг
Засгийн газраас ирэх долоо хоногт Эдийн засгийн эрх чөлөөний тухай хуулийг УИХ-д өргөн барина
2 өдөр
