Улаанбаатар
ЕХ-нд татвар ногдуулахыг зөвшөөрснийг томоохон ялалт гэж үзэж байна
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /TASS/.
Европын Холбооны бараа бүтээгдэхүүнд 7.5 тэрбум
ам.долларын татвар ногдуулах зөвшөөрлийг Дэлхийн худалдааны байгууллага АНУ-д
өгснийг Ерөнхийлөгч Дональд Трамп томоохон ялалт гэж үзэж байна. Энэ тухай
тэрбээр Цагаан ордонд болсон хэвлэлийн бага хурлын үеэр мэдэгджээ.
“Энэ бол АНУ-ын хувьд том ялалт биш гэж үү? Өмнөх ерөнхийлөгчид дунд ийм
зүйл тохиож байгаагүй. Намайг ерөнхийлөгч болсноос хойш ДХБ-ын асуудлаар бид
олон амжилтад хүрсэн. 7 тэрбум ам.доллар гэдэг муугүй шүү” хэмээн тэрбээр ярьсан байна.
Европын Холбоонд байдаг улс орнуудын бараа бүтээгдэхүүн, үйлчилгээнд
7.5 тэрбум ам.долларын татвар
ногдуулахыг АНУ-д зөвшөөрсөн шийдвэрийг Дэлхийн худалдааны байгууллагын
арбитрын шүүх өнгөрсөн лхагва гарагт гаргажээ. “Airbus” компанийн татаастай холбоотой ДХБ-ын гаргасан
шийдвэрийг Европын холбоо биелүүлээгүйтэй холбогдуулан тус шийдвэрийг гаргасан
байна.
