“Явуулын тусламж үйлчилгээний баг” сумдад ажиллаж байна
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. Эх, хүүхдэд эрүүл мэндийн тусламж үзүүлэх “Явуулын тусламж үйлчилгээний баг” энэ сарын 3-наас эхлэн 18 суманд ажиллаж байна.
Одоогоор
Бат-Өлзий, Хужирт, Хархорин суманд ажиллаж, 100 гаруй иргэнд эрүүл мэндийн
тусламж үйлчилгээг үзүүлжээ. Энэ үеэр жирэмсэн болон нөхөн үржихүйн насны 80
гаруй эмэгтэйчүүд, 0-18 насны 60 гаруй хүүхдийг нарийн мэргэжлийн эмчийн үзлэг,
оношилгоонд хамруулсан ба долоон эхийг эсэн мэнд амаржуулж, хоёр эхийг ксеров
хагалгаагаар төрүүлсэн байна.
Мөн гурван хүүхдийг Улаанбаатар хот дахь 3 дахь шатлалын нарийн мэргэжлийн эмчийн үзлэгт хамруулахаар явуулсан бол нэг хүүхдийг халамжийн үйлчилгээнд хамруулах асуудлыг шийдвэрлүүлжээ.
“Явуулын тусламж үйлчилгээний баг” нь эх, хүүхэд, жирэмсэн эмэгтэйчүүдийг нарийн мэргэжлийн эмчийн үзлэгт хамруулах, 5 хүртэлх насны хүүхдийн өсөлт хөгжлийн хяналтын баримт бичигт хяналт хийж, зөвлөгөө өгөх зорилгоор ажиллаж байна.