Шүүгч Х.Мейрамбекийг анхан шатны шүүхийн Ерөнхий шүүгчээр томилжээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Монгол Улсын Ерөнхийлөгчийн
2019 оны зургаадугаар сарын 7-ны өдрийн 112 дугаар зарлигаар Халамханы
Мейрамбекийг Баян-Өлгий аймаг дахь Сум дундын иргэний хэргийн анхан шатны
шүүхийн Ерөнхий шүүгчийн албан тушаалд томилжээ.
Х.Мейрамбек нь 2001 онд тус аймаг дахь Шүүхийн
тамгын хэлтэст орчуулагчаар ажлын гараагаа эхэлж, 2002-2006 онд шүүхийн
нарийн бичгийн дарга, шүүгчийн туслахаар ажилласан байна.
Түүнчлэн 2006-2015 он хүртэл Баян-Өлгий аймаг дахь Сум дундын шүүх, Сум
дундын хоёрдугаар шүүх, Сум дундын Иргэний хэргийн анхан шатны шүүхэд шүүгч, 2015
оны 12 дугаар сараас Сум дундын Иргэний хэргийн анхан шатны шүүхийн Ерөнхий
шүүгчээр тус тус ажиллаж байжээ.