МАН-ын дөрөвдүгээр Бага хурал эхэллээ

МОНГОЛЫН МЭДЭЭ | УЛС ТӨР
ariunbold@montsame.gov.mn
2019-04-29 15:08:28

Улаанбаатар /МОНЦАМЭ/. МАН-ын дөрөвдүгээр Бага хурал эхэллээ. Бага хурлаар Хэнтий аймагт энэ оны зургадугаар сарын 30-нд болох нөхөн сонгуульд оролцох эсэхийг хэлэлцэж, тус намын Удирдах зөвлөлийн ажлын тайланг сонсох юм.


УИХ-ын гишүүн асан Д.Гантулга өнгөрсөн оны зургадугаар сарын 11-нд өөрийн хүсэлтээр чөлөөлөгдөх өргөдлөө өгснийг чуулганы нэгдсэн хуралдаанаар хүлээн авсан. Тиймээс УИХ-ын сонгуулийн 42 дугаар тойрог буюу Хэнтий аймагт нөхөн сонгууль зохион байгуулах болсныг Ерөнхий нарийн бичгийн дарга Д.Амарбаясгалан танилцуулав. Мөн нөхөн сонгуульд нэр дэвшүүлэх журмыг танилцуулснаар Бага хурал хаалттай горимд шилжлээ.

Холбоотой мэдээ