Ялалтын баярын үеэр хамгийн их зорчдог Оросын хотуудыг нэрлэжээ

Дэлхийд | Нийгэм
ayanzaya@montsame.gov.mn
2019-04-23 11:41:51

МОСКВА. /АиФ/. Тавдугаар сарын 1-5 хүртэл үргэлжилдэг Ялалтын баярын үеэр жуулчид болон иргэдийн хамгийн их зорчдог алдартай хотуудын жагсаалтад Санкт-Петербург, Москва, Казань, Петрозаводск болон Краснодар хот багтжээ.


Жагсаалтыг 4 дүгээр сарын 30-наас 5 дугаар сарын 5 хүртэлх хугацаанд зочид буудал, орон сууцнуудад өгсөн захиалгын мэдээлэлд үндэслэн гаргажээ. Жуулчид баярын үеэр Нева мөрөн урсдаг Санкт-Петербург хотод хамгийн урт хугацаа буюу 4 өдрийг өнгөрүүлэхээр төлөвлөж байна. Бусад хотод дунджаар 2-3 хоногийг өнгөрүүлэх төлөвтэй байгаа аж.


Үүний зэрэгцээ жуулчид түр оршин суух газартаа өдөрт 2.1-3.9 мянган рублийг зарцуулах төлөвтэй байна. Мөн буудаллахад хамгийн бага өртөгтэй хотод Краснодар орж байгаа бол Москва хот хамгийн үнэтэйд тооцогдож байгаа аж.

Холбоотой мэдээ