Улаанбаатар
Цагаан-Уул сум мал сүргийн тоо толгойгоор дахин тэргүүлэв
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Цагаан-Уул сум сүүлийн жилүүдэд аймагтаа мал сүргийн тоо толгойгоор тогтмол тэргүүлдэг бөгөөд энэ жил 456977 тоо толгой мал тоолуулж дахин тэргүүллээ.
Цагаан-Уул сумын иргэд
1976 онд 100 мянган хоньтой болж буман хонины баяр, 2015 онд 3 бум
малын баяр хийсэн бол өнгөрсөн
онд 4 бум малтай болжээ. Тус суманд 1600 орчим
өрхийн байдгийн 1150 нь мал маллан амьдардаг бөгөөд аймагтаа тэмээ, адуу, хонин сүргээрээ бусад
сумдаа тэргүүлсэн байна.
Хөвсгөл аймгийн хэмжээнд үхрээр Алаг-Эрдэнэ, ямаагаар Төмөрбулаг
сум аймагтаа тэргүүлж мянгат малчин 768 үүнээс хоёр мянгат малчин 14 байгаа нь
өмнөх оноос мянгат малчин 85, хоёр мянгат малчин нэгээр тус тус өссөн ажээ.
