ОХУ-ын өргөмжит консул ИТХ-ын даргатай уулзлаа
ОРОН НУТГИЙН МЭДЭЭ | ХӨВСГӨЛХөвсгөл аймгийн ИТХ-ын дарга Т.Болдбаатар ОХУ-аас Монгол улсад суугаа ерөнхий консул Рыгзын Ракшаевич Ракшаевыг тус аймагт зохион байгуулагдсан Мөсний баярын арга хэмжээнд оролцох үеэр нь хүлээн авч уулзлаа.
Энэ үеэр ОХУ-аас явуулж буй бодлого, Хөвсгөл аймгаас ОХУ-руу мах экспортлох боломж, Ханх-Мондын хилийн боомтыг олон улсын зэрэглэлтэй боомт болгох боломжийг судлах, Байгаль нуур-Хөвсгөл нуурыг холбосон аялал жуулчлалын маршрутыг бий болгож хөгжүүлэх зэрэг асуудлаар ярилцаж санал солилцсон байна.
Мөн Хөвсгөл ймгийн ИТХ-ын дарга Т.Болдбаатар түүнийг ОХУ-ын Буриад улсын Түнхэн, Ахын аймаг, Хөвсгөл аймгуудын дунд энэ оны 6-р сард Хөвсгөл аймагт зохион байгуулагдах уулзалт зөвлөлгөөнд хүрэлцэн ирж оролцохыг урьж цаашид хамтын ажиллагааг өргөжүүлэн ажиллахаар болсон ажээ.
Б.Гантуяа