Иранд газрын тосны хориг арга хэмжээний эсрэг томоохон жагсаал болжээ
ДЭЛХИЙН МЭДЭЭ | НИЙГЭМТЕГЕРАН. /NHK/.
Ираны газрын тосонд тавих гэж буй АНУ-ын
хориг арга хэмжээ хэрэгжиж эхлэхээс нэг хоногийн өмнө буюу өнгөрсөн ням гарагт
Иран даяар олон мянган иргэн гудамжинд жагссан байна.
Жил бүрийн 11
дүгээр сарын 4-нд 1979 онд АНУ-ын иргэдийг барьцаалсан өдрийг тохиолдуулан иранчууд
жагсаал цуглаан зохион байгуулдаг бол энэ удаа 11 дүгээр сарын 5-наас хэрэгжих
хориг арга хэмжээг эсэргүүцэн жагсжээ.
Уг жагсаалд олон мянган залуучууд оролцсон бөгөөд жагсагчдын зарим
нь АНУ-ын төрийн далбааг шатааж байсан бол зарим хэсэг нь Дональд Трампын гэрэл
зургийг өргөж, шүүмжлэлт уриа лоозонгууд барьсан байжээ.