Хөвсгөлд төрөлт 5,6 хувиар буурчээ
ОРОН НУТГИЙН МЭДЭЭ | ХӨВСГӨЛХөвсгөл аймгийн хэмжээнд 2015 онд 3119 эх амаржсан нь өнгөрсөн оны мөн үетэй харьцуулахад 187 тохиолдол буюу 5.6 хувиар буурч, мөн амьд төрөлт 3128 болж өмнөх оныхоос 189 тохиолдол буюу 5.7 хувиар буурсан үзүүлэлттэй байна.
Амьд төрсөн хүүхдийн тоо 2015 онд аймгийн хэмжээнд нийт 3128 байгаа нь өнгөрсөн оны мөн үеэс 189 хүүхдээр буурсан бөгөөд төрөлхийн гаж хөгжлийн 10 тохиолдол бүртгэгдсэн нь Рэнчинлхүмбэ суманд 1, Нэгдсэн эмнэлэгт 9 тохиолдол бүртгэгджээ. Нялхасын эндэгдэл 2015 оны нийт дүнгээр 70 тохиолдол бүртгэгдсэн нь 2014 оноос 17 тохиолдлоор өссөн ба нялхасын эндэгдлийн 62.9 хувийг нярайн эндэгдэл эзлэж байгаа бөгөөд нийт эндэгдлийн 55 тохиолдол буюу 78.6 хувь нь эмнэлэгт эндсэн байна. Мөн нас баралтын 786 тохиолдол бүртгэгдсэн нь өнгөрсөн оныхоос 60 тохиолдлоор буурсан бөгөөд нийт нас баралтын 19 хувь нь эмнэлэгт нас барсан, үүнээс 31.5 хувь нь хоног болоогүй нас баралт, осол гэмтлийн нас баралт 95 бүртгэгдсэн бөгөөд энэ өнгөрсөн оны оныхоос 9, хорт хавдрын нас баралт 206 тохиолдол бүртгэгдсэн ба 2014 оны мөн үеэс 8 тохиолдлоор буурсан үзүүлэлттэй гарчээ.
Б.Гантуяа