Ulaanbaatar
Оросын шигшээ багийг хүчтэй өрсөлдөгч гэж үзэж байна
ДЭЛХИЙН МЭДЭЭ | СПОРТ
МОСКВА. /Коммерсант/. Оросын шигшээ багийн эсрэг тоглох үндэснийх нь шигшээ багийг хүндхэн тоглолт хүлээж байна гэж Хорватын шигшээ багийн дасгалжуулагч Златко Далич мэдэгджээ. “ДАШТ-2018”-ын Хорват болон Оросын шигшээ багийн ¼ шигшээ тоглолт 7 дугаар сарын 7-нд Сочи хотноо болно.
“Оросын шигшээ баг дараагийн шатанд тунаж үлдлээ. Бид хүчтэй, агуу өрсөлдөгчтэй учраа таараад байна. Болгоомж алдахгүй байхыг хичээх болно” гэж Хорватын дасгалжуулагч хэлсэн байна. Түүнчлэн тэрбээр ¼ шигшээд үлдсэнд нь үндэснийхээ шигшээ багт баяр хүргэжээ.
Өчигдрийн тоглолтод Оросын шигшээ баг Испанийн багийг 4:3-аар буулган авч, түүхэндээ анх удаа ¼ шигшээд хүч үзэхээр тунасан билээ. Энэ өдөр мөн Хорватын баг Данийн багийг 3:2-оор хожсон юм.
Э.Аянзаяа
