Ulaanbaatar
"Лалын улс"-ын газрын тосны борлуулалтаас олсон орлого хоёр дахин буурчээ
ДЭЛХИЙН МЭДЭЭ | ЭДИЙН ЗАСАГМОСКВА. /INTERFAX/. "Лалын улс" бүлэглэлтэй хийж буй тэмцэл сүүлийн үед үр дүнд хүрч байгаа боловч тус бүлэглэлийнхэн алан хядах ажиллагаа үйлдэх аюул их хэвээр байна гэж даваа гарагт НҮБ-ийн Ерөнхий нарийн бичгийн дарга Антониу Гутерриш мэдэгдлээ.
Ерөнхий нарийн бичгийн тараасан илтгэлд "Лалын улс" нь алан хядах үйл ажиллагаагаа хямрал мөргөлдөөнтэй бүс нутгаас бусад улс орон руу чиглүүлж байна" гэж дурджээ.
Гуттеришийн хэлснээр, террористууд бусад улс оронд байгаа сүлжээгээ ашиглан, хямрал мөргөлдөөний бүсээс гадуурх газар оронд давшилтад бэлтгэж байгаа ажээ. Иймээс нисэх онгоцны буудлуудад террорист ажиллагаа үйлдэх аюул “өндөр хэвээр” байгаа ажээ.
Үүний зэрэгцээгээр "Лалын улс"-ынхан өөрийн талынхантайгаа холбоо барих, шинэ гишүүдийг элсүүлэн авахдаа нууц кодлолт, “хар” цахим хуудас, мессенжерүүдийг улам бүр өргөнөөр ашиглаж байна гэж НҮБ-ын тэрбээр анхаарууллаа.
Тэрбээр цааш нь мэдээлэхдээ "Лалын улс" мөнгө санхүүгийнхээ 80 орчим хувийг газрын тос болон хий борлуулан олдог төдийгүй дээрэм, айлган сүрдүүлэлтээр ч мөнгө олдог. Тодруулбал, 2016 онд "Лалын улс" нефть борлуулснаас 260 сая ам.доллар олсон бөгөөд уг түүхий эдийг голчлон Сирийн Дэйр-эз-Зор мужаас нийлүүлсэн ажээ. 2015 онд террористуудын газрын тос борлуулж олсон орлого 500 сая орчим ам.доллар байсан" гэжээ.
О. Барс
