Ulaanbaatar
Газа хотоос гарч явахыг оршин суугчдад уриалжээ
ДЭЛХИЙН МЭДЭЭ | УЛС ТӨР
ЙЕРУСАЛИМ, 2025 оны есдүгээр сарын 9 /AFP/. Израилын цэргүүд Газа хот руу дайралтаа эрчимжүүлж байгаатай холбогдуулан Ерөнхий сайд Биньямин Нетаньяху даваа гарагт Палестины нутаг дэвсгэр дэх хамгийн том хотын оршин суугчдад хандан, хотыг орхин явахыг уриалжээ.
Барууны орнууд болон тусламжийн агентлагуудын зүгээс тус хотыг эзлэн авах ажиллагааг зогсоохыг удаа дараа шаардаж байгааг үл тоомсорлон Израилын тал довтолгоогоо эрчимжүүлсээр байна. Газын иргэний хамгаалалтын агентлагаас мэдээлснээр, Израилын цохилтын улмаас даваа гарагт 39 хүн амиа алдсаны 25 нь Газа хотын оршин суугчид байжээ.
Дайн эхэлснээс
хойш Йерусалим
хотод хамгийн
олон хүний аминд хүрсэн халдлага болсноос хойш хэдэн
цагийн дараа Ерөнхий сайд анхааруулга гаргасан гэж Гадаад хэргийн сайд Гидеон Саар мэдэгдсэн байна. Халдлага үйлдсэн Палестины хоёр зэвсэгт этгээд автобус руу гал
нээж, зургаан хүний амийг хөнөөжээ.
Зэвсэгт этгээдүүдийг
хамгаалалтын ажилтан болон зэвсэглэсэн энгийн иргэн устгасан байна.
“Эдгээр
халдлага нь терроризмтой тэмцэх бидний шийдвэр төгс байдлыг улам бататгаж байна” гэж Б.Нетаньяху халдлагын дараа мэдэгджээ. Израилын Батлан хамгаалахын сайд Израэль Кац даваа гаргийн өглөө ХАМАС бүлэглэлд хандан хэлэхдээ, зэвсгээ хураалга, эс бөгөөс бүрмөсөн устгах болно гэж анхааруулсан байна. “Барьцаанд байгаа
хүмүүсийг суллаж, зэвсгээ хураалга,
эс бөгөөс Газа сүйрч, та
нарыг устгах болно. Энэ бол
Газа дахь болон хилийн чанад дахь тансаг зочид
буудлуудад байгаа ХАМАС-ын
алуурчид, хүчирхийлэгчдэд өгч
буй эцсийн анхааруулга юм”
гэж тэрбээр X хуудсандаа бичжээ.
