Улаанбаатар, 2025 оны тавдугаар сарын 14 /МОНЦАМЭ/. Олон улсын жүдо бөхийн холбооноос өчигдөр жүдочдын чансааг шинэчлэн зарлалаа.

Тус холбоо 2025 он гарснаас хойш “Их дуулга” ангиллын зургаан тэмцээн зохион байгуулсан бөгөөд тамирчдын цуглуулсан оноог чансаалан бодож ДАШТ-д оролцох эрхтэй жин тус бүрийн шилдэг 100 тамирчныг танилцуулсан байна. Энэхүү оноог бодохдоо Абу Даби болон Токиогийн “Их дуулга”-аас гадна 2025 онд зохион байгуулсан тэмцээнүүдийн оноог 100 хувиар тооцжээ. Ирэх сарын 13-нд Унгарын Будапешт хотод болох жүдо бөхийн ДАШТ-д чансаагаараа эхний 100-д багтсан тамирчид оролцох эрхтэй болдог билээ.

Долоо хоногийн өмнө гаргасан чансаанаас хойш Т.Түмэнжаргал 108, Б.Сүхбат 214, Ө.Жанцандорж, 357, Б.Хүдэрчулуун 204 байраар ахисан байна. Түүнчлэн гавьяат тамирчин Л.Энхрийлэн 63 кг-ын жинд ААШТ-ээс хойш 278 байраар урагшилж, 42 дугаарт эрэмбэтэй болов. Шинэ чансаагаар манай тамирчид хэрхэн эрэмбэлэгдсэнийг танилцуулъя.

Эрэгтэй                                                                 Эмэгтэй

60 кг                                                                      48 кг

Э.Аринуболд-17                                                   Б.Баасанхүү-1

Б.Цогт-Очир-54                                                    Г.Наранцэцэг-13

К.Ёолк-62                                                              Ж.Анударь-25

Э.Сумъяабазар-84                                               52 кг 

Т.Түмэнжаргал-102                                              Л.Сосорбарам-15

Б.Сүхбат-106                                                        Б.Уранзаяа-47

66 кг                                                                      М.Нандин-Эрдэнэ-67

Ё.Басхүү-14                                                          57 кг   

Б.Эрхэмбаяр-16                                                   Т.Ариунзаяа-41

Ө.Жанцандорж-86                                               63 кг

Г.Хэрлэн-92                                                           Б.Ганхайч-19                     

73 кг                                                                      Л.Энхрийлэн-42

Б.Эрдэнэбаяр-15                                                  70 кг

Л.Анхзаяа-27                                                        Б.Ням-Эрдэнэ-52

О.Уранбаяр-89                                                     Д.Есүй-68

81 кг                                                                     -78 кг

О.Шинэбаяр-83                                                    О.Хүслэн

90 кг                                                                     +78 кг   

Г.Алтанбагана-69                                                А.Адъяасүрэн-23

Б.Мөнхбаяр-145                                                 Д.Номинзул-38 

-100 кг

Б.Гончигсүрэн-25

Б.Хүдэрчулуун-89

+100 кг

Б.Гончигсүрэн-60

Ташрамд сонирхуулахад, Ирэх сарын 13-нд Унгарын Будапешт хотод хөшгөө нээх ДАШТ-ий бүртгэл өнөөдөр эхэлж байгаа бөгөөд энэ сарын 29-нийг дуустал үргэлжилнэ. Өнөөдрийн байдлаар Солонгос, Косово, Израйль, Испани, Португал, Серби тэргүүтэй 26 орны 133 тамирчин мэдүүлгээ өгчээ.