Ulaanbaatar
Олон улсын физикийн 53 дугаар олимпиадаас Монголын баг 1 мөнгө, 2 хүрэл, 1 тусгай байр хүртлээ
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. Олон улсын физикийн 53 дугаар олимпиад Япон улсын нийслэл Токио хотод 2023 оны 7 дугаар сарын 10-наас 7 дугаар сарын 17-ны өдрүүдэд зохион байгуулагдаж байна.
Энэхүү олимпиадад 90 гаруй орны 450 гаруй сурагч оролцож байгаа бөгөөд Монгол Улсын баг 1 мөнгө, 2 хүрэл медаль, 1 шагналт байрыг хүртжээ.
Монгол Улсаа төлөөлөл оролцсон сурагчдаас:
-Сант сургуулийн сурагч О.Анирчулуу мөнгөн медаль,
-Сант сургуулийн сурагч Г.Азжаргал хүрэл медаль,
-Шинэ-Үе сургуулийн сурагч Г. Батбаяр хүрэл медаль,
-11 дүгээр сургуулийн сурагч Л.Дөлгөөн шагналт байр хүртсэн байна.
Эдгээр сурагчдаас О.Анирчулуу олон улсын физикийн олимпиадаас 3 жил дараалан (2 мөнгө, 1 хүрэл) медаль хүртэж байгаа бол 10 дугаар ангийн 2 сурагч анх удаа оролцож хүрэл медаль хүртжээ. Тусгай байрт шалгарсан Л.Дөлгөөн Азийн Физикийн Олимпиадаас хүрэл медаль хүртэж байв.
Шагнал гардуулах үйл ажиллагаа маргааш 10:00 цагт зохион байгуулагдах аж.
