Ulaanbaatar
НӨАТ-ын буцаан олголтоор 5 төрлийн татвар төлөх боломжтой
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. НӨАТ-ын өнгөрсөн оны сүүлийн улирлын буцаан олголтыг
хуулийн дагуу энэ оны нэгдүгээр сард багтаан иргэдийн дансанд шилжүүлнэ хэмээн татварын байгууллагаас мэдээллээ.
НӨАТ-ын хоёр хувийн буцаан олголтоор 5 төрлийн татвар, зарим төлбөрийг төлөх боломжтой. Тодруулбал, 2023 оны нэгдүгээр сарын 21-25-ныг хүртэл ebarimt системээр
иргэдийн төлөх
боломжтой татварын нэхэмжлэл бүхий асуулгад “тийм” гэсэн товчыг дарснаар иргэдийн
хүсэлтийг бүртгэж,
татвар төлөгдөх нь. Төлөх
боломжтой татварын төрөлд:
- Автотээврийн хэрэгслийн албан татвар,
- Галт зэвсгийн албан татвар,
- Үл хөдлөх эд хөрөнгийн албан татвар,
- Газрын төлбөр /газар эзэмшигч/,
- Газрын үл хөдлөх эд хөрөнгийн албан татвар /газар өмчлөгч/,
- Малын тоо толгойн албан татвар,
- Авто замын байгууламж ашигласны төлбөр орж байна.
