Ulaanbaatar
Дэд түрүүч Э.Ихбаяр улсын аварга шалгаруулах тэмцээнээс мөнгөн медаль хүртжээ
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Монгол Улсын баатар Ж.Нэхийтийн нэрэмжит, Хилийн цэргийн
0101 дүгээр ангийн 0312 дугаар салбарын гэрээт хилчин, дэд түрүүч Э.Ихбаяр Equipped
Powerlifting улсын аварга шалгаруулах тэмцээнээс мөнгөн медальтай иржээ.
Тэрээр тус тэмцээний залуучуудын
ангиллын -74 кг жинд штангын суултын төрөлд 205 кг өргөсөн амжилтыг үзүүлжээ. Тус
тэмцээн нь хоёрдугаар сарын 19-20-ны өдрүүдэд Улаанбаатар хотод болсон байна. Энэхүү
тэмцээнийг Монголын пауэрлифтингийн нэгдсэн холбооноос зохион байгуулжээ.
Дэд түрүүч Э.Ихбаяр он
гарсаар хоёр дахь удаагийн тэмцээндээ ийн амжилттай оролцсон байна. Тэрээр өмнө
нь тус холбооноос зохион байгуулсан хэвтээ шахалтын Улсын аварга шалгаруулах
“Classicc bench press” тэмцээнд -83кг жинд мөнгөн медаль хүртсэн байна. Хилчин
тамирчин, дэд түрүүч Э.Ихбаяр 2017 оноос энэхүү спортоор хичээллэж байгаа аж. Тэрээр
“Цаашид гэрээт хилчний албанаас хилчин офицер болох хүсэл мөрөөдлийнхөө төлөө
итгэл дүүрэн ажиллаж байна. Сэтгэл хангалуунаар албаа хааж, өөрийн хобби, хүсэл
сонирхлоо амжилттай хэрэгжүүлж ажиллана” хэмээн ярилаа.
