НҮБ-ын тэргүүн: Умард Солонгос болон АНУ яаралтай яриа хэлэлцээ хийх зайлшгүй шаардлагатай байна

ДЭЛХИЙН МЭДЭЭ | УЛС ТӨР
dorjkhand@montsame.mn
2018-02-08 14:59:40
СӨҮЛ. /Ёнхап/. Солонгосын хойгийн байдал дахин хурцдахаас урьдчилан сэргийлэхийн тулд Умард Солонгос болон АНУ “яаралтай” яриа хэлэлцээ хийх “зайлшгүй шаардлагатай” байна гэж НҮБ-ын Ерөнхий нарийн бичгийн дарга Антонио Гутерриш мэдэгдсэнийг “Ёнхап” агентлаг уламжлав.

Маргааш эхлэх өвлийн олимпийн XXIII наадмын нээлтийн ёслолд оролцохоор Өмнөд Солонгост хүрэлцэн очоод буй А.Гутерриш өнөөдөр сэтгүүлчдэд ярилцлага өгөх үеэрээ “Боломжгүй зүйл юм шиг санагдаж байж болох юм. Гэхдээ Солонгосын хойгийн байдал гэнэт хурцдаж, зөрчилдөөн үүсэхээс өмнө Умард Солонгос болон АНУ яаралтай яриа хэлэлцээ хийж эхлэх зайлшгүй шаардлагатай байна. Холбогдох улс орнуудыг яриа хэлэлцээний ширээнд суулгахын тулд бид чадах бүхнээ хийх болно” гэжээ.

НҮБ-ын тэргүүн Өмнөд Солонгост байх хугацаандаа тус улсын Ерөнхийлөгч Мүн Жэ Интэй Солонгосын хойгийн асуудлаар яриа хэлэлцээ хийх аж.
 
Г.Доржханд

Холбоотой мэдээ