Улаанбаатар
Кокаин хэрэглэсэн эсэхийг хурууны хээгээр тогтоох төхөөрөмжийг зохион бүтээжээ
ДЭЛХИЙН МЭДЭЭ | СОНИН ХАЧИН
ЛОНДОН. /Cпутник/. Кокаин хэрэглэсэн эсэхийг гараа угаасан ч бай хурууны хээгээр илрүүлэх аргыг Их Британийн судлаачид олжээ.
Оросын “Спутник” агентлагийн мэдээлснээр, кокаин хэрэглэсэн эсэхийг тогтоох маш мэдрэмтгий хурууны хээ унших төхөөрөмжийг Их Британийн Суррея их сургуулийн судлаачид Нидерландын Шүүхийн шинжилгээний үндэсний хүрээлэн ба Лондонд төвтэй “Интеллижент Фингерпринтинг” компанитай хамтран зохион бүтээсэн байна.
Оросын “Спутник” агентлагийн мэдээлснээр, кокаин хэрэглэсэн эсэхийг тогтоох маш мэдрэмтгий хурууны хээ унших төхөөрөмжийг Их Британийн Суррея их сургуулийн судлаачид Нидерландын Шүүхийн шинжилгээний үндэсний хүрээлэн ба Лондонд төвтэй “Интеллижент Фингерпринтинг” компанитай хамтран зохион бүтээсэн байна.
Энэ шинэ төхөөрөмж нь кокаин хэрэглэгчийн арьснаас ялгардаг бензоилкогенин болон метилэггонин хэмээх химийн бодисуудыг илрүүлдэг аж.
Туршилтын явцад уг төхөөрөмж нь 99 хувийн нарийвчлалтайгаар кокаин хэрэглэсэн хүмүүсийг зөв таньж байжээ.
Суррея их сургуулийн Химийн тэнхимийн судлаач Мелани Бэйли ярихдаа “Энэ нь мансууруулах бодис хэрэглэсэн эсэхийг илрүүлдэг одоогийн аргуудаас /шүлс, цус болон шээшсний шинжилгээ авах г.м/ илүү шуурхай бөгөөд эрүүл ахуйн шаардлага хамгийн сайн хангасан арга юм. Энэ төхөөрөмжийг хууль сахиулах байгууллагынхан удахгүй хэрэглэж эхэлнэ хэмээн найдаж байна. Мансууруулах бодис хэрэглэсэн эсэхийг энэ төхөөрөмжөөр шалгахад ердөө 30 секунд байхад л хангалттай” гэжээ.
Г.Доржханд
