В.Путин: Умард солонгосчууд өвс идэж байсан ч цөмийн хөтөлбөрөөсөө татгалзахгүй
ДЭЛХИЙН МЭДЭЭ | УЛС ТӨР
СЯМЭНЬ. /Xinhua/. Умард солонгосчууд өвс идэж байсан ч цөмийн хөтөлбөрөөсөө татгалзахгүй учир цаашид Пхеньяны эсрэг хориг арга хэмжээ аваад “ямар ч нэмэргүй” гэж ОХУ-ын Ерөнхийлөгч Владимир Путин хэллээ.
Өнгөрсөн ням гарагт зургаа дахь удаагийн цөмийн туршилтаа хийсэнтэй нь холбогдуулан Умард Солонгосын эсрэг нэмэлт хориг арга хэмжээ авах тухай тогтоолын төслийг НҮБ-ын Аюулгүйн Зөвлөлд өргөн барихаар төлөвлөж буйгаа даваа гарагт АНУ мэдэгдсэн юм.
Өнөөдөр Хятадын Сямэнь хотноо болсон БРИКС буюу Бразил, Орос, Энэтхэг, Хятад болон ӨАБНУ-ын удирдагчдын уулзалтын үеэр В.Путин үг хэлэхдээ “Цэргийн ажиллагаа явуулах нь дэлхий нийтийг гамшигт нэрвэгдүүлж болзошгүй. Дипломат арга буюу яриа хэлэлцээ хийх нь л асуудлыг шийдвэрлэх цорын ганц зөв арга зам. Чанга хатуу хориг арга хэмжээ авснаар Умард Солонгосын олон сая энгийн номхон иргэнийг л зовлонд унагаана. Тиймээс хориг арга хэмжээ авахаа зогсоож, холбогдох бүх улс орон яриа хэлэлцээний ширээний ард суух хэрэгтэй” гэжээ.
Өнгөрсөн ням гарагт зургаа дахь удаагийн цөмийн туршилтаа хийсэнтэй нь холбогдуулан Умард Солонгосын эсрэг нэмэлт хориг арга хэмжээ авах тухай тогтоолын төслийг НҮБ-ын Аюулгүйн Зөвлөлд өргөн барихаар төлөвлөж буйгаа даваа гарагт АНУ мэдэгдсэн юм.
Өнөөдөр Хятадын Сямэнь хотноо болсон БРИКС буюу Бразил, Орос, Энэтхэг, Хятад болон ӨАБНУ-ын удирдагчдын уулзалтын үеэр В.Путин үг хэлэхдээ “Цэргийн ажиллагаа явуулах нь дэлхий нийтийг гамшигт нэрвэгдүүлж болзошгүй. Дипломат арга буюу яриа хэлэлцээ хийх нь л асуудлыг шийдвэрлэх цорын ганц зөв арга зам. Чанга хатуу хориг арга хэмжээ авснаар Умард Солонгосын олон сая энгийн номхон иргэнийг л зовлонд унагаана. Тиймээс хориг арга хэмжээ авахаа зогсоож, холбогдох бүх улс орон яриа хэлэлцээний ширээний ард суух хэрэгтэй” гэжээ.
Г.Доржханд