ХБИ-тэй хүүхдийн ангийг нээж өгөхийг хүслээ
ОРОН НУТГИЙН МЭДЭЭ | СЭЛЭНГЭСэлэнгэ аймгийн Засаг даргын тамгын газар, аймгийн Хөгжлийн бэрхшээлтэй иргэдийн холбоотой хамтран Сэлэнгэ аймгийн ХБИ-ийн чуулга уулзалтыг өнгөрсөн 7 хоногт зохион байгууллаа.
“Хөгжлийн төлөө хамтдаа” тус чуулга уулзалтанд Сэлэнгэ аймгийн 17 сум, 6 тосгодын төлөөлөл оролцож, өөрсдийн үгээ аймгийн удирдлагуудад хүргэсэн юм.
Чуулга уулзалтаас хэд хэдэн саналуудыг удирдлагуудын сонорт хүргэхээр хүргүүлжээ. Тухайлбал:
-Төр төсвийн байгууллагуудын гадна ХБИ-дэд зориулсан налуу шат, замтай болох.
-Нийт төрийн болон хувийн хэвшлийн байгууллагууд ХБИ-ийг дэмжих, ажлын байраар хангах.
-ХБИ-ийн холбооны үйл ажиллагааг дэмжих, үйл ажиллагаагаа явуулах байраар дэмжлэг үзүүлэх.
-Эмнэлгийн очер дугаарт өөрчлөлт оруулах
-Төсөлд хамрагдах иргэдийг сонгон шалгаруулалтанд анхаарах
-Эмнэлэг хөдөлмөр магадлах комиссын үйл ажиллагааг сайжруулах, хүртээмжтэй болгох,
-Эмийн үнийг бууруулах
-Тэтгэвэр, тэтгэмжийг нэмэгдүүлэх
-Сум хөгжүүлэх сангийн үйл ажиллагааг ХБИ-дэд олгодог квоттой болгох.
-ХБИ-тэй хүүхдийн ангийг орон нутагт тохируулан нээж өгөх,
-Эмнэлгийн эмчилгээ, үйлчилгээг сайжруулах
-Мандал суманд нүдний эмчтэй болгох
-ХБИ-дэд тохирсон ажлын байр гаргах
-Нийгмийн хариуцлагаа ойлгон хамтран ажиллах,
-Осол гэмтлээс сэргийлэх үйл ажиллагааг санаачилан ХБИ-ийн холбоотой хамтран ажиллах зэрэг саналуудыг тавьжээ.
Ч.Отгонцэцэг