Улаанбаатар
Аж үйлдвэрийн салбарын нийт үйлдвэрлэл 50 хувиар өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар, 2023 оны аравдугаар сарын 17 /МОНЦАМЭ/. ҮСХ-ноос мэдээлснээр аж үйлдвэрийн салбарын нийт үйлдвэрлэл энэ оны эхний 9 сарын урдчилсан гүйцэтгэлээр 21.3 их наяд төгрөг болжээ.
Энэ нь өмнөх оны мөн үеэс 7.1 их наяд төгрөг буюу 50 хувиар өссөн үзүүлэлт болж буйг ҮСХ-ны Нэгдсэн статистикийн газрын хамтын ажиллагаа, арга зүйн хэлтсийн дарга С.Норов мэдээллээ.
Уул уурхай, олборлох аж
үйлдвэрийн салбарын үйлдвэрлэл өнгөрсөн хугацаанд 15.1 их наяд төгрөг болж,
өмнөх оны мөн үеэс 5.5 их наяд төгрөгөөр буюу 57.4 хувиар өсжээ. Үүнд:
- Чулуун болон хүрэн
нүүрсний олборлолт 4.1 их наяд төгрөгөөр буюу 3 хувиар,
- Металлын хүдэр олборлолт
839.6 тэрбум төгрөгөөр буюу 12.2 хувиар тус тус өссөн нь голлон нөлөөлжээ.
Уул уурхайн олборлолт 5.5 их наяд төгрөг буюу 57.4 хувиар, боловсруулах үйлдвэрлэл 1.3 их наяд төгрөгөөр буюу 36.7 хувиар өссөн нь аж үйлдвэрийн салбарын нийт үйлдвэрлэл нэмэгдэхэд голлон нөлөөлжээ.
Боловсруулах салбарын
үйлдвэрлэл оны эхний 9 сарын урдчилсан гүйцэтгэлээр 4.8 их наяд төгрөг болж,
өмнөх оны мөн үеэс 1.3 их наяд төгрөгөөр буюу 36.7 хувиар өсжээ. Үүнд:
- Мах боловсруулах,
консервлох үйлдвэрлэл 463.8 тэрбум төгрөгөөр буюу 3.1 хувиар,
- Төмөрлөг бус эрдэс бодисоор хийсэн эдлэлийн үйлдвэрлэл 170.3 тэрбум төгрөгөөр буюу 52.1 хувиар тус тус өссөн нь голлон нөлөөлжээ.
