Улаанбаатар
"Туркийн кино өдрүүд” энэ сарын 13-15-нд болно
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Бүгд Найрамдах Турк Улсаас Монгол Улсад суугаа Элчин сайдын яам хоёр улсын соёл, урлагийн салбарын харилцааг хөгжүүлэх зорилгоор "Туркийн кино өдрүүд"-ийг "Тэнгис" кино театрт энэ сарын 13-15-нд зохион байгуулна.
"Туркийн кино өдрүүд"-ээр гурван өдрийн турш Чаган Йырмак, Бурак Аксак, Кыванч Баруөнү Ылмаз Эрдоган зэрэг Туркийн нэрт кино найруулагчдын бүтээлүүд болох “Үлгэрт гардаг охин”, “Эртугрул- 125 жилийн дурсамж”, “Нөхрийнхөө хэрээр ярь”, “Хонгорхон минь”, “Зүүд”, “Төгс төгөлдөр”, “Мартвал шивнээрэй” зэрэг уран сайхны киног монгол хадмал орчуулгатай, үнэ төлбөргүй толилуулах юм.
