Улаанбаатар
Элсэлтийн ерөнхий шалгалтад нийт 208 шалгуулагч 800 оноо авчээ
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. Боловсролын ерөнхий газар, Боловсролын Үнэлгээний төвийн удирдлагууд "Элсэлтийн ерөнхий шалгалт 2022"-ын дүн оноог эхний байдлаар нэгтгэж, өмнөх онуудын үр дүнтэй харьцуулсан талаар мэдээллээ.
Монгол Улсын хэмжээнд их, дээд сургуульд элсэгчдийн сурах ерөнхий чадвар, мэдлэгийн түвшинг тогтоох зорилготой 2022 оны ЭЕШ-ыг энэ сарын 23-26-нд зохион байгуулав.
Энэ онд нийт 36 253 шалгуулагч бүртгүүлжээ. ЭЕШ-ын нийт
хичээлийн ерөнхий дундаж оноо:
2019 онд-500.84
2020 онд-500.82
2021 онд-501.13
2022 онд-501.09 байна.
Энэ жилийн ЭЕШ-д нийт 208 шалгуулагч 800 оноо авчээ. Харин
шалгалт өгсөн нийт хичээлээр:
400-аас бага оноо авсан-1355 шалгуулагч
480-аас бага оноо авсан-7333 шалгуулагч
Босго давсан 24693 шалгуулагч байна.
Монгол хэл бичгийн шалгалт:
-Их, дээд сургуульд элсэн суралцахаар ЭЕШ-д бүртгүүлсэн
шалгуулагч нь Монгол Улсын Засгийн газрын 37 дугаар тогтоолын дагуу эх хэлний
боловсролын чанар, хэрэглээ, иргэдийн харилцааны соёл, эх хэлний дархлааны
түвшинг сайжруулах зорилготой “Монгол хэл бичгийн шалгалт”-д заавал хамрагдсан
байна.
-2022 оны ЭЕШ-д монгол хэл бичгийн шалгалтын босго оноо давж
чадаагүй 1180 шалгуулагч байна. Боловсролын үнэлгээний төвөөс 2022 оны 8 дугаар
сард монгол хэл бичгийн шалгалтыг зохион байгуулна.
ЭЕШ-ыг жилд 2 удаа зохион байгуулах бөгөөд эхний шалгалтад хүндэтгэн үзэх шалтгаанаар хамрагдаж чадаагүй болон дүн оноогоо ахиулах зорилготой шалгуулагчид дахин хамрагдах боломжтой гэдгийг Боловсролын Үнэлгээний төвийн захирал Л.Ганбат тодотгов.
