Улаанбаатар
Таван нүдэн хээн дүрслэлтэй "Ган дөрөө"
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. 1930 онд Сайн ноён хан аймгийн хошуу ноён вангийн хошуу Жамьяан вангийн хошуу, одоогийн Баянхонгор аймгийн Заг сумын харьяат нутгийн хүмүүсийн дунд Дархан цоохор хэмээн нэрлэгдсэн Дагвын урласан бүтээл "Сийлбэртэй ган дөрөө" нь Баянхонгор аймгийн Түүх, Угсаатны зүйн музейн үнэт үзмэрүүдийн нэг юм.
Уг сийлбэртэй ган дөрөөний өндөр нь 17 см, өргөн нь 15 см, таваг нь таван нүдэн хээн дүрслэлтэй, тавагны огтлол 14.8х13.5 см, 1.8 см зузаан хөвөөтэй. Уг дөрөө Монгол дархны ган ширээх урлагийн томоохон бүтээлийн нэг болох онцлогтой.
Монголчуудын адууны соёлтой холбоотой чухал тоног хэрэгслийн нэг нь дөрөө юм. Морь, малд мордох, унаж явахад зориулсан эмээл, тохошны нэгэн эдлэл эмээлийн дөрөөг ган, ширэм, гууль, мод, төмөр болон бусад олон төрлийн эдээр хийх бөгөөд дөрөөг монгол, жийжүү, хавирган хэмээн хэлбэр хийцээр нь ялгана. Эмээлийн дөрөөг ган, ширэм, гууль зэргээр урладаг бөгөөд дөрөөг монгол жиижүү, хавирган хэмээн хэлбэр хийцээр нь ялган нэрлэдэг уламжлалтай.
