Ахмад багш нарын хүндэтгэлийн дурсамж уулзалт болно

Монголын мэдээ | Боловсрол
mn_tuul@montsame.mn
2015-09-29 16:57:21

УИХ-ын Нийгмийн бодлого, боловсрол, соёл, шинжлэх ухааны байнгын хорооноос Боловсрол, шинжлэх ухааны яам, Монголын Ахмад багш нарын холбоотой хамтран Монголын ахмад багш нарын хүндэтгэлийн дурсамж уулзалтыг маргааш Төрийн ордонд зохион байгуулна.

Уг арга хэмжээнд боловсролын салбарт ажиллаж байсан 500 гаруй багш нар хамрагдах бөгөөд Улаанбаатар хотын бүх дүүргийн болон орон нутгийн ахмад багш нарын төлөөлөл оролцох юм.

Хүндэтгэлийн дурсамж уулзалтыг нээж Монголын ахмад багш нарын холбооны тэргүүн, Монгол Улсын Гавьяат багш, профессор Д.Амар, УИХ-ын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт нар үг хэлэх аж.

Б.Туул

Холбоотой мэдээ
Сэтгэгдлүүд