БНХАУ-ын бараа бүтээгдэхүүнд ногдуулах татварыг нэмэгдүүлнэ
ДЭЛХИЙН МЭДЭЭ | ЭДИЙН ЗАСАГНЬЮ-ЙОРК.
/Fox Business/. Энэ сарын 15 гэхэд талууд худалдааны хэлэлцээрийн
асуудлаар тохиролцож чадахгүй бол БНХАУ-ын хэд хэдэн бараа бүтээгдэхүүнд
ногдуулсан татварыг АНУ-ын Ерөнхийлөгч Дональд Трамп нэмэгдүүлэх бодолтой
байна. Энэ тухай АНУ-ын Худалдааны сайд Уилбур Росс мэдэгджээ.
Талуудын худалдааны маргааныг зохицуулах хэлэлцээрийн хүрээнд хоёр улс
чухал ач холбогдолтой эхний үе шатанд ойртон ирлээ хэмээн Д.Трамп өнгөрсөн 10 дугаар
сарын 11-нд мэдэгдсэн юм. Ази, Номхон далайн эдийн засгийн хамтын ажиллагааны /АПЕК/
дээд хэмжээний уулзалтын үеэр Д.Трамп БНХАУ-ын дарга Си Жиньпинтэй уулзалт хийхээр
төлөвлөөд байсан хэдий ч Чилид 11 дүгээр сарын дундуур болох ёстой байсан АПЕК-ийн
дээд хэмжээний уулзалт цуцлагдсантай холбоотойгоор хоёр улсын удирдагчдын шинэ дээд
хэмжээний уулзалт хэзээ болох нь тодорхойгүй байгаа юм.