Улаанбаатар
Иракт Туркийн дипломатч амиа алджээ
ДЭЛХИЙН МЭДЭЭ | НИЙГЭМ
БАГДАД. /BBC/. Лхагва гарагт Иракийн хойд нутагт зэвсэглэсэн
этгээдүүд халдлага үйлдсэний улмаас хоёр хүн амиа алдсаны дунд Туркийн дипломатч
байжээ.
Уг халдлага Эрбиль хотын зоогийн газарт болсон бөгөөд хоёр хүн амиа алдаж, нэг хүн шархадсан
байна. Туркийн Гадаад хэргийн яамны мэдээлснээр, амиа алдагсдын нэг нь Туркаас Эрбиль хотод суугаа Консулын газрын ажилтан байсан ажээ.
Гэмт этгээдүүд
хэргийн газраас оргон зугтаасан бөгөөд аюулаас хамгаалах хүчнийхэн эрэн
сурвалжлах ажиллагааг эхлүүлжээ. Одоогийн байдлаар уг халдлагын хариуцлагыг аль
нэг бүлэглэл хүлээгээгүй байна.
Туркийн Ерөнхийлөгч
Режеп Тайип Эрдоган уг халдлагыг “жигшүүрт” гэмт хэрэг хэмээн тэмдэглээд,
Иракийн талтай хамтран ажиллаж, гэмт этгээдийг баривчлах болно гэж мэдэгджээ.
