Хүн, мал, нохойд халдсан чоныг тандан судалж байна
МОНГОЛЫН МЭДЭЭ | ХУУЛЬӨнөө өглөө Сүхбаатар дүүргийн 19-р хороо, Шарга морьтод 30-40 насны хоёр хүн чононд хазуулсан гэх мэдээ олон нийтийн сүлжээгээр тарсан юм. Уг мэдээг лавлахад үнэн явдал болжээ.
Чононд хазуулсан хүмүүсийг ГССҮТ-д хүргэн эмчилгээнд оруулжээ. Одоогоор тэдний биеийн байдал нь харьцангуй гайгүй байна. Чоно дээрх хоёр хүнээс гадна үхэр, ноход руу ч ноцжээ. Чононд ноцуулсан нохдыг устгасан бол үхрээс шинжилгээ авчээ. Хавар, намрын улиралд чоно галзуурах нь түгээмэл байдаг. Галзуу чоно хөдөөд айлын хот руу орсон мэдээ олонтаа гардаг ч нийслэлд орж ирсэн тохиолдол гарч байгаагүй.
Зоонозын өвчин судлалын төвийнхөн болсон явлын мөрөөр чоныг судлан тандаж эхэлсэн байна. Мөн уг хэргийг Сүхбатаар дүүргийн цагдаагийн хэлтэс бүртгэн авч шалгаж байна.
Ж.Батсайхан