Венесуэл улс "Роснефть" компанийн тусламжтайгаар хориг арга хэмжээг тойрон гарч байна

Дэлхийд | Эдийн Засаг
ayanzaya@montsame.gov.mn
2019-04-19 13:51:17

ЛОНДОН. /Reuters/. Венесуэлийн эрх баригчид АНУ-ын авсан хориг арга хэмжээнүүдийг тойрон гарахын тулд Оросын "Роснефть" компанийн үйлчилгээг ашиглаж байна.  


Оросын "Роснефть" компани нь Венесуэлийн төрийн өмчит газрын тос, хийн "PDVSA" компани болон тус улсын газрын тосыг эцсийн худалдан авагчийн хооронд зууч нь болж байгаа аж. Орос болон Венесуэлийн талаас энэ талаар албан ёсоор тайлбар өгөөгүй байгаа талаар “Reuters” агентлаг мэдээлсэн байна.


АНУ Венесуэлийн эсрэг авсан хориг арга хэмжээгээ 4 дүгээр сарын 12-нд чангатгаж, 4 компанийг хар жагсаалтад оруулсан юм. Өмнө нь Венесуэлийн газрын тосны салбарт ажилладаг байсан хоёр компанийг хориг арга хэмжээний жагсаалтад оруулсан. Хориг арга хэмжээнд орсноор АНУ дахь хөрөнгийг нь царцааж, америкийн иргэд болон компаниудыг хоригт багтсан хувь хүн болон компанитай бизнес эрхлэхийг хориглоно гэсэн үг юм. 

Холбоотой мэдээ