Үндэсний урлагийн театр, музейн барилгын газрыг судалж байна

Монголын мэдээ | Соёл урлаг
183@montsame.mn
2019-04-18 14:51:54

Улаанбаатар /МОНЦАМЭ/. Байгалийн түүхийн музей, Үндэсний урлагийн их театрын газрын асуудлыг цогцоор шийдвэрлэх, барилгын зураг төсөв боловсруулах, тооцоо судалгаа хийх, барилгын ажлыг эхлүүлэх бэлтгэл ажлыг удирдан зохион байгуулах үүрэг бүхий Ажлын хэсгийг БСШУС-ын сайд Ё.Баатарбилэг ахалж байна.

Өнөөдөр БСШУС-ын сайд Ё.Баатарбилэг, Нийслэлийн Засаг дарга С.Амарсайхан болон холбогдох албаны хүмүүс театр болон музейн байгууламж барих боломжит газруудад очлоо. Бүрэлдэхүүнд нь Нийслэлийн Засаг дарга С.Амарсайхан болон Барилга хот байгуулалтын яам, Сангийн яам, Эрчим хүчний яам, Байгаль орчны яам, Гадаад харилцааны яам, Соёл урлагийн газар, Үндэсний хөгжлийн газар зэрэг байгууллагын удирдлага багтжээ. 

Ажлын хэсгийн гишүүд Үндэсний соёл амралтын хүрээлэн буюу бидний нэршиж заншсанаар Хүүхдийн паркийн баруун урд хэсгийн 4 га талбай бүхий газарт Үндэсний урлагийн их театр барих боломжтой гэж үзэв. Энэ асуудлыг Засгийн газарт танилцуулна гэлээ. Мөн Дүнжингарав худалдааны төвийн зүүн тал болон Яармагийн урд хэсэг газарт очиж музей барих боломжтой эсэхийг газар дээр нь үзэж танилцлаа.


Холбоотой мэдээ