Орос, Японы Гадаад хэргийн дэд сайд нарын уулзалт болно
ДЭЛХИЙН МЭДЭЭ | УЛС ТӨРТОКИО. /TASS/. ОХУ-ын
Гадаад хэргийн /ГХ/ дэд сайд Игорь Моргулов, Японы ГХ-ийн дэд сайд Такэо Мори
нар энэ сарын 22-нд найрамдлын гэрээний асуудлаар зөвлөлдөх уулзалт хийнэ.
ОХУ-ын Ерөнхийлөгч
Владимир Путин, Японы Ерөнхий сайд Шинзо Абэ нарын уулзалтад зориулж энэхүү
зөвлөлдөх уулзалтыг хийж байгаа аж.
Үүний зэрэгцээ талууд Гадаад
хэргийн сайд болон Батлан хамгаалахын сайд нарын "2+2" хэлбэрийн шинэ
уулзалтыг ирэх 5 дугаар сарын 30-31-нд Токио хотод зохион байгуулахаар
зөвшилцөж байгаа аж. Хамгийн сүүлд өнгөрсөн оны зун Москва хотод ийм хэлбэрийн
яриа хэлэлцээ болжээ.
Япон болон ОХУ-ын
удирдагчид өнгөрсөн оны 11 дүгээр сард Сингапурт уулзахдаа хоёр орны хооронд
найрамдлын гэрээ байгуулах асуудлаарх хэлэлцээг идэвхжүүлэх тохиролцоонд хүрсэн
юм.