Төв болон зүүн аймгийн нутгаар цас орно
МОНГОЛЫН МЭДЭЭ | БАЙГАЛЬ ОРЧИНУлаанбаатар /МОНЦАМЭ/. Төв болон зүүн аймгуудын нутгийн хойд хэсгээр энэ сарын 4-нд бага зэргийн цас орж, шөнөдөө ихэнх нутгаар хүйтэрнэ гэж Ус цаг уур, орчны хүрээлэнгийн газраас мэдээлэв.
Энэ сарын 4-нд төв болон зүүн аймгуудын нутгийн хойд
хэсгээр, 5-нд зүүн аймгуудын нутгийн зүүн хэсгээр, 7-нд баруун болон төвийн
аймгуудын нутгийн хойд хэсгээр бага зэргийн цас орно. Бусад хугацаанд цас
орохгүй. Салхи 4-нд нутгийн зарим газраар, 5-нд зүүн аймгуудын нутгаар, 7-нд
баруун болон төвийн аймгуудын нутгийн зарим газраар секундэд 12-14 метр хүрч
ширүүснэ. Бага зэрэг хүйтэрч Увс нуур болон Дархадын хотгор, Завхан голын эх,
Идэр, Тэс голын хөндийгөөр шөнөдөө 27-32 градус, өдөртөө 14-19 градус, Их
нууруудын хотгор, Хангай, Хөвсгөл, Хэнтийн уулархаг нутаг, Хүрэн бэлчир орчим,
Эг-Үүр, Туул, Тэрэлж голын хөндийгөөр шөнөдөө 20-25 градус, өдөртөө 5-10
градус, говийн бүс нутгийн өмнөд хэсгээр шөнөдөө 8-13 градус хүйтэн, өдөртөө
3-8 градус дулаан, бусад нутгаар шөнөдөө 13-18 градус хүйтэн, өдөртөө 1 градус
хүйтнээс 4 градус дулаан байна. 6-нд нутгийн баруун хэсгээр, 7-нд ихэнх нутгаар
дулаарна.