Улаанбаатар
“Amazon” компани Нью-Йоркт төв байр барих төлөвлөгөөгөө цуцалжээ
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /Xinhua/. АНУ-ын цахим худалдааны “Amazon” компани “муж улс болон орон нутгийн зарим улс төрч”-ийн эсэргүүцлийн улмаас Нью-Йорк муж улсад шинэ төв байр барих төлөвлөгөөгөө цуцалсан байна.
“Бид маш удаан бодож, тунгаасны эцэст Нью-Йорк муж улсын Лонг-Айленд хотод төв байр барих төлөвлөгөөгөө цуцлах шийдвэрийг гаргалаа. Тус муж улсын улс төрчид энэхүү төлөвлөгөөний эсрэг байр сууриа илэрхийлж, бидэнтэй харилцаа холбоо тогтоохыг хүсээгүй” гэж “Amazon” компанийн мэдэгдэлд тэмдэглэжээ.
Нью-Йоркчуудын дунд явуулсан санал асуулгын дүнд тэдний 70 хувь нь дээрх
төлөвлөгөөг дэмжиж байгаа нь харагдаж байсан юм.
АНУ-ын цахим худалдааны тэргүүлэгч “Amazon” компани өнгөрсөн оны 11 дүгээр сард төв байр барих хоёр байршлыг
сонгосон тухайгаа мэдэгдсэн нь Нью-Йоркийн Лонг-Айленд болон Виржиния муж
улсын Кристал сити байсан билээ.
Тус компани нь цаашид Виржиния муж улс дахь төлөвлөгөөгөө үргэлжүүлэн
хэрэгжүүлэх бөгөөд өөр байршлыг хайх бодолгүй байгаагаа илэрхийлсэн байна.
2017 онд “Amazon” компани хоёр дахь төв байраа
байгуулахаар төлөвлөж байгаа тухайгаа олон нийтэд мэдэгдсэний дараа 238 хот тус компанийн төв
байрыг байгуулах хүсэлтийг гаргаж байжээ.
