Улаанбаатар
Багуудын зарим тэргүүн туршлагыг дэлгэрүүлнэ
ОРОН НУТГИЙН МЭДЭЭ | ДАРХАН-УУЛДархан сумын ИТХ-ын Ажлын албанаас зохион байгуулсан Багийн Иргэдийн нийтийн хурлын дарга нарын зөвлөlгөөн болов. Зөвлөlгөөнд аймгийн ЗДТГ-ын Хууль зүйн хэлтсийн мэргэжилтэн Д.Чагнаадорж оролцож шинээр батлагдсан хууль тогтоомжуудын талаар танилцууллаа.
Тэрээр шинээр батлагдсан "Нийтийн сонсголын тухай хууль”, “Монгол хэлний хууль”, “Өрийн удирдлагын тухай хууль”, “Хамтын тэтгэвэрийн тухай хууль”-ийн хэрэгжих хугацаа, хуулийн зохицуулалтын талаар мэдээлэл хийж оролцогсдын асуултад хариулав. Түүнчлэн Дархан сумын 18 багийн БИНХ-ын дарга нар өнгөрсөн оны онцлог ажлуудыг нэрлэж тэргүүн туршлагаа хуваалцлаа.
Дархан сумын 10 дугаар багийн тухайд: Багийн иргэдийн нийтийн хурлаас Өрхийн эмнэлэг, Олон нийтийн цагдаа нарын мэдээллийг сонсож хэвшсэн. Ингэснээр тухайн багт хийгдэж байгаа ажлын талаар иргэдэд мэдээ мэдээллийг шуурхай хүргэдэг болсон гэж тус Багийн ИНХ-ын дарга П.Юра хэлэв. Уг зөвлөгөөнөөр багуудын тэргүүн туршлагыг судлахаас гадна иргэдийн оролцоог нэмэгдүүлж багийн иргэдийн нийтийн хуралд залуусыг татан оролцуулах талаар ямар ажил хийхээ зөвлөж ярилцлаа.
Б.Норовсамбуу
