Ulaanbaatar
Гандантэгчэнлин хийдийн гэрэлтүүлгийн ажил үргэлжилж байна
МОНГОЛЫН МЭДЭЭ | НИЙГЭМ
Улаанбаатар, 2025 оны арваннэгдүгээр сарын 28 /МОНЦАМЭ/. Нийслэлийн БГД-ийн төсвийн хөрөнгөөр Гандантэгчэнлин хийдийн дуган, дацан гудамж, нэвтрэх хаалга зэрэгт гэрэлтүүлэг хийж байна.
НЗДТГ-ын мэдээлснээр, “Их хотын гэрэл” компанийн гүйцэтгэж буй ажлын явц 90 хувьтай байна. Гэрлийг 12 дугаар сарын 5-нд асаана. Мөн Гандан орчмыг ногоон байгууламж бүхий жишиг гудамж болгон тохижуулах ажил үргэлжилж, тохижилтын ажилтай холбоотой 55 айлаас 35 айлын газрыг чөлөөлөөд байна.
Нийслэлийн БГД-ийн
16 дугаар хороонд байрладаг Монголын бурхан шашинтны төв Гандантэгчэнлин хийдийн
төв талбайг нийслэлийн төсвийн хөрөнгөөр энэ оны 7 дугаар сард шинэчилсэн. Төв
хийдийн урд 8400 ам.метр талбайг байгалийн чулуун хавтангаар шинэчилж, 820
ам.метрт нь ногоон байгууламж урлаж, иргэд амарч суух сандал, гэрэлтүүлэг,
хогийн сав, хашлага хайс, шатыг шинэчилжээ.
