Ulaanbaatar
Засгийн газрын хуралдаанаар ирэх оны төсвийг хэлэлцэж байна
МОНГОЛЫН МЭДЭЭ | УЛС ТӨР
Улаанбаатар, 2025 оны наймдугаар сарын 27 /МОНЦАМЭ/. Засгийн газрын ээлжит хуралдаан Төрийн ордонд болж байна.
Хуралдаанаар 2026 оны төсвийн тухай, Үндэсний баялгийн сангийн 2026 оны төсвийн тухай, Нийгмийн даатгалын сангийн 2026 оны төсвийн тухай, Эрүүл мэндийн даатгалын сангийн 2026 оны төсвийн тухай хуулийн төсөл болон эдгээртэй холбогдуулан боловсруулсан бусад хууль тогтоомжийн төсөл, “Төрийн өмчит хуулийн этгээдийн үйл ажиллагаа, засаглалыг сайжруулах, шинэчлэл хийх талаар авах арга хэмжээний тухай” Засгийн газрын тогтоолын төсөл, “Төрийн өмчит хуулийн этгээдийн захирал, гүйцэтгэх захирлын цалин, үр дүнгийн нэмэгдлийн талаар авах арга хэмжээний тухай” Засгийн газрын тогтоолын төсөл, “Төр болон орон нутгийн өмчийн хуулийн этгээдийн засаглал, ил тод байдал, үйл ажиллагааг үнэлэх тухай” Засгийн газрын тогтоолын төсөл, “Боловсролын салбарын 2025-2026 оны хичээлийн жилийн бэлтгэл хангах зарим арга хэмжээний тухай” Засгийн газрын тогтоолын төсөл -“Итгэлцүүр батлах тухай” Засгийн газрын тогтоолын төсөл зэрэг асуудлыг хэлэлцэж байна.
Мөн Дарханы төмөрлөг, Хөтөлийн цемент шохой, Эрдэнэт үйлдвэр болон “Эрдэнэт үйлдвэр” ТӨҮГ-ын эзэмшил дэх Эрдэнэтийн зэс, молибдений ордын үүсмэл ордыг ашиглаж буй компаниудын үйл ажиллагааны өнөөгийн нөхцөл байдал, 2025 оны эхний хагас жилийн байдлаар Хуримтлалын санд төвлөрсөн орлогыг Монгол Улсын иргэний хуримтлалын нэрийн дансанд хуваарилан бүртгэх тухай танилцуулгыг сонсох аж.
