Төрийн албан хаагчдын тэтгэврийн насыг нэмэх тухай хуулийн төслийг дэмжив
МОНГОЛЫН МЭДЭЭОрос улсын Засгийн газрын Хуулийн төслүүдийн комисс төрийн албан хаагчдын /депутат, сенатор, бүсийн нутгийн болон хотын өндөр албан тушаалтнууд орно/ тэтгэврийн насыг нэмэх тухай хуулийн төслийг дэмжив.
Энэ тухай ОХУ-ын Засгийн газрын сайт дээр уламжилсан байв. Хуулийн төсөлд төрийн албан хаагчдын төрийн албанд ажилласан жилийн доод хэмжээг 15-20 жил болгох бөгөөд төрийн албаны /цэргийн бус/ тэтгэврийн насны дээд хязгаарыг 60 –65 нас болгон хуульчлахаар Төрийн думд өргөн барих юм.
Төрийн түшээдийн тэтгэврийн насыг нэмэх тухай хууль 2016 оны 6 дугаар сарын 1-ний өдрөөс хүчин төгөлдөр болох юм. Энэхүү хуулийг баталснаар Орос улсын Тэтгэврийн сангийн төсвийн зардал ойролцоогоор 622 сая рублиэр багасна.
А.Огторгуймаа