Ипотекийн зээлийн үлдэгдэл 127.6 тэрбум төгрөг байна
ОРОН НУТГИЙН МЭДЭЭ | ОРХОНОрхон аймаг Монгол банк мэдээлэл хийлээ. Өнгөрсөн сард арилжааны банкууд 33 зээлдэгчид 1.8 тэрбум төгрөгийн ипотекийн зээл олгожээ.
Ингэснээр ипотекийн зээлийн үлдэгдэл 127.6 тэрбум төгрөг, нийт зээлдэгчийн тоо 3,243-т хүрсэн байна. Тайлант сард олгосон зээлийн хэмжээ өмнөх сараас 716.4 сая төгрөгөөр буюу 28.7 хувиар буурсан байна.
Ипотекийн зээлийн хөтөлбөрт 5 болон 8 хувийн хүүтэй 2 төрлийн зээл байгаа бөгөөд 5 хувийн хүүтэй зээлийг улс орны эдийн засгийн нөхцөл байдал, зах зээлийн зарчмыг үндэслэн өнгөрсөн сараас зогсоосон. Энэ оны 9 дүгээр сарын 30-ны байдлаар ипотекийн зээлийн үлдэгдлийг өмнөх оны мөн үетэй харьцуулахад 18.3 хувиар, нийт зээлдэгчийн тоо 381-ээр өссөн дүнтэй байна.
Б.Оюун-Эрдэнэ