“Sony”, “Honda” хамтарсан үйлдвэр байгуулжээ
ДЭЛХИЙН МЭДЭЭ | ЭДИЙН ЗАСАГТОКИО. /NHK/. Японы “Sony Group”, “Honda Motor” компаниуд 2026 он гэхэд дэвшилтэт цахилгаан
тээврийн хэрэгслийг зах зээлд нийлүүлэх зорилго бүхий хамтарсан үйлдвэр
байгуулжээ. Шинэ компанийг “Sony Honda Mobility” гэж нэрлэсэн байна.
“Бид уламжлалт
ойлголтыг эвдсэн, өндөр өртөг шингэсэн бүтээгдэхүүн, үйлчилгээг хэрэглэгчдэд
санал болгож, хэрэглэгчидтэй шинэ харилцаа тогтооно “Sony Honda Mobility” компанийн тэргүүн, гүйцэтгэх захирал
Мизүно Ясүхидэ мэдэгджээ.
Мөн тус компанийн
ерөнхийлөгч бөгөөд үйл ажиллагаа хариуцсан захирал Каваниши Изүми хэлсэн үгэндээ, “компани
хөдөлгөөнт болон мэдээллийн технологийн нэгдлийг хөхиүлэн дэмжинэ” гэдгийг тодотгосон
байна.
“Sony
Honda Mobility” анхны цахилгаан
хөдөлгүүртэй тээврийн хэрэгслийнхээ захиалгыг 2025 оноос авч, дараагийн
жилээс нь АНУ, Японы хэрэглэгчдэдээ нийлүүлж эхлэхээр төлөвлөжээ.
Цахилгаан тээврийн
хэрэгслийн үнийг одоогоор хараахан тогтоогоогүй байгаа ч дээд зэрэглэлийн
загвар байх төлөвтэй байна. Энэхүү загварыг “Honda”-гийн Хойд Америк дахь үйлдвэрүүдийн нэгд
үйлдвэрлэх ажээ